Ózbekstanda majorıtarlyq saılaý júıesi engiziledi

<p>Ózbekstan Olıı Májilisiniń Senaty elde saılaý men referendým ótkizý tártibin odan ári jetildirýge baǵyttalǵan zań jobasyn maquldady, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.</p>

Ózbekstan Senatynyń baspasóz qyzmetinen málim etkendeı, tıisti zańǵa sáıkes parlamenttiń tómengi palatasyna saılaý aralas (majorıtarlyq, proportsıonaldy) júıe negizinde ótkiziledi.

«Talapqa saı, zań shyǵarý palatasynyń 75 depýtaty majorıtarlyq saılaý júıesi boıynsha bir mandatty okrýgterden, al qalǵan 75 depýtat proportsıonaldy saılaý júıesi (partııalyq tizim) boıynsha saıası partııalarǵa berilgen daýys negizinde biryńǵaı okrýgten saılanady», - delingen Senattyń baspasóz qyzmeti taratqan habarlamada.

Munymen qatar, saıası partııalardan depýtattyqqa úmitkerlerdi usyný kezinde áıelderdiń úlesi jalpy kandıdattar sanynyń 40 paıyzyna teń bolýy tıis. Buǵan deıingi talapqa saı, áıelder úmitkerderdiń 30 paıyzyn quraýy qajet edi.