Ózbekstanda match ótkizgen Karım Benzemanyń aıaǵyn jankúıeri jaraqattap ala jazdady

<p>Fýtboldan Saýd Arabııasynyń chempıony atanǵan &laquo;Ál-Ittıhad&raquo; komandasy Tashkentte ózbekstandyq &laquo;AGMK&raquo; quramasyna qarsy oıyn ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Azııa chempıondar lıgasy aıasynda ótken matchqa qatysý úshin álemge tanymal fýtbolshy, «Ál-Ittıhadtyń» kapıtany Karım Benzema da keldi. Jankúıerler sportshylardy Ózbekstan astanasynda jyly qarsy alyp, syı kórsetti.

Artynsha «Ál-Ittıhad» pen ózbekstandyq «AGMK» komandalary arasynda match ótti. Oıynda saýdııalyq fýtbolshylar 2:1 esebimen jeńiske jetti.

Bul kezdesý jankúıerlerdiń jadynda qyzyqty oqıǵalarymen este qaldy. Atap aıtqanda, match kezinde Karım Benzema fanattarynyń biri alańǵa júgirip shyǵyp, fýtbolshyǵa qaraı júgirdi. Osylaısha azamat fýtbolshyǵa jete bergende qulap, Karım Benzemanyń aıaǵyn jaraqattap ala jazdady. Keıin ol jankúıer alańnan shyǵaryldy.