Ózbekstanda quny 11 mıllıon dollardan asatyn etıl spırtin zańsyz satyp jibergender ustaldy

<p>Ózbekstan bas prokýratýrasy janyndaǵy departamenttiń Namangan oblysy boıynsha basqarmasy baspasóz qyzmetiniń habarlaýynsha, Namangan oblysynda 136 mlrd sýmǵa (shamamen 11 mıllıon AQSh dollary) etıl spırti satyp alynyp, antıseptıkalyq ónim óndirmeı, basqa tulǵalarǵa satylǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a> departamenttiń <a href="https://web.telegram.org/a/#-1001215402699" target="_blank" rel="noopener">baspasóz </a>qyzmetine silteme jasap.&nbsp;</p>

Tekserýde anyqtalǵandaı, «E.l.», «G.E.» jáne «E.M.» JShS basshylary antıseptıkalyq ónim óndirý maqsatynda bırjalar arqyly quny 102,7 mlrd sýmǵa 4025 tonna etıl spırtin satyp alyp, antıseptıkalyq ónim óndirmeı, etıl spırtin is júzinde basqa tulǵalarǵa satyp jibergen.

Sondaı-aq «A.F.» JShS basshysy A.A. bırja saýdasy arqyly satyp alynǵan 1263 tonna etıl spırtin basqa tulǵalarǵa satyp jibergeni belgili boldy. Sonymen qatar onyń osy qarajatqa Lacetti kóligin satyp alǵany anyqtaldy.

«Qazirgi tańda atalǵan fakti boıynsha Ózbekstan Respýblıkasy Qylmystyq kodeksiniń tıisti baptary boıynsha qylmystyq is qozǵalyp, tergeý amaldary júrgizilip jatyr», - delingen habarlamada.