Ózbekstanda koronavırýs juqtyrýshylar sany artty
Ózbekstannyń Densaýlyq saqtaý mınıstrliginiń málimetinshe, 2 jeltoqsanda elde koronavırýs juqtyrýdyń 156 jaǵdaıy tirkelgen. Bir kún buryn oldardyń sany 159 bolsa, 30 qarashada 154 naýqastan, 29 qarasha 141 naýqastan koronavırýs anyqtalǵan.
Ótken eki aıda anyqtalǵan táýliktik kórsetkish 20-25 adamnan aspaǵan edi. Sondaı-aq, qazir Ózbekstannyń barlyq aımaǵynda koronavırýs ınfektsııasynyń taralý aımaǵy keńeıdi. Buǵan deıin koronavırýs negizinen Tashkent oblysynda jáne el astanasynda anyqtalǵan.
2020 jyldyń naýryzynan beri Ózbekstanda 246 myń COVID-19 juqtyrý jaǵdaıy anyqtaldy, 1637 adam koronavırýstan kóz jumǵan.
Buǵan deıin Ózbekstanda tumaý men jedel respıratorlyq aýrýlar koronavırýspen aralas ınfektsııa retinde anyqtalǵany habarlanǵan bolatyn. Naýqastardan Stealth-Omicron BA.5 shtamy anyqtaldy. Epıdemıologııalyq ahýaldyń nasharlaýyna jol bermes úshin búkil el boıynsha koronavırýstyń, tumaýdyń jáne JRVI-diń aldyn alý jáne oǵan qarsy kúres jónindegi shtabtar quryldy.
Foto: medar86.ru