Ózbekstanda koronavırýs juqtyrýdyń táýliktik antırekordy tirkeldi

TAShKENT. QazAqparat – Ózbekstanda jyl basynan beri koronavırýs ınfektsııasyn juqtyrýdyń rekordtyq táýliktik ósimi tirkeldi, dep habarlaıdy QazAqparattyń menshikti tilshisi.

Ózbekstan Respýblıkasy Densaýlyq saqtaý mınıstrliginiń málimetinshe, 24 maýsymda elde koronavırýs juqtyrýdyń 476 jańa jaǵdaıy (bir kún buryn – 442) jáne osy aýrýdan bolǵan eki ólim jaǵdaıy tirkelgen.

Aýraǵa shaldyqqandardyń basym kópshiligi el astanasynda anyqtalǵan. Munda 135 adam koronavırýs juqtyrǵan.

Eske sala keteıik, Ózbekstanda sońǵy aptada koronavırýs juqtyrýshylardyń turaqty ósimi baıqalady.

Qazirgi ýaqytta medıtsına mekemelerinde 3452 naýqas koronavırýstan emdelip jatyr.