Ózbekstanda koronavırýs juqtyrǵandar sany kúrt artty

TAShKENT. QazAqparat - Ózbekstanda sońǵy aptada COVID-19 vırýsyn juqtyrǵandar sany kúrt artty, dep habarlaıdy QazAqparat menshikti tilshisi.

Ózbekstan Densaýlyq saqtaý mınıstrliginiń málimetinshe, 18 qarashada elde koronavırýs 92 adamnan anyqtaldy. Bir kún buryn koronavırýs juqtyrǵan 69 naýqas, 16 qarashada – 61, 15 qarashada – 48, 14 qarashada 21 adam tirkeldi.

Ótken eki aıda anyqtalǵan naýqastardyń táýliktik kórsetkishi 20-25 adamnan aspaǵan edi.

Sondaı-aq koronavırýs ınfektsııasynyń taralý geografııasynyń keńeıýi baıqalady. Ol qazir Ózbekstannyń jeti oblysy men astanasyn qamtıdy. Buǵan deıin koronavırýs negizinen Tashkent oblysy men el astanasynda anyqtalǵan.

Jalpy, 2020 jyldyń naýryz aıynan Ózbekstanda COVID-19 indetiniń resmı rastalǵan 245 myń jaǵdaıy tirkelip, saldarynan 1 63 adam qaıtys boldy.