Ózbekstanda koronavırýs vaktsınasyn salý mindetteldi

TAShKENT. QazAqparat - Ózbekstanda koronavırýsqa qarsy arnaıy respýblıkalyq komıssııa birqatar sanattaǵy azamattarǵa vaktsına alýdy mindetteý jóninde sheshim shyǵardy, dep habarlaıdy QazAqparattyń menshikti tilshisi.

Densaýlyq saqtaý mınıstrliginiń málimetinshe, «Halyqtyń sanıtarlyq-epıdemıologııalyq saýlyǵy» týraly zańǵa sáıkes, Ózbekstannyń bas memlekettik sanıtar dárigeri qoǵam úshin qaýipti ınfektsııalyq jánpe parazıtarlyq aýrýlar paıda bolyp, elde taraǵan jaǵdaıda sanıtarlyq jáne epıdemııaǵa qarsy tıisti sharalardy júrgizý jóninde sheshim qabyldaýǵa quqyly.

«Atalmysh zańnyń 30-babynda epıdemııaǵa qarsy sanıtarlyq-gıgıenalyq sharalar ótkizý jáne aýrýdyń aldyn alatyn ekpe salý sekildi is-qımyl kesheni qarastyrylǵan. Osyny eskere kele Ózbekstannyń bas sanıtar dárigeri, sanıtarlyq-epıdemıologııalyq ıgilik jáne qoǵam densaýlyǵy qyzmetiniń bastyǵy Bahodır ıÝsýpalıev koronavırýsqa qarsy vaktsına saldyrýdy mindetteý jóninde sheshim qabyldady» delingen habarlamada.

Qabyldanǵan sheshimge sáıkes 18 jastan asqan belgili bir sanatqa jatatyn azamattar úsh dozaly ekpeni saldyrýǵa mindetti.

Atalǵan azamattar 1 qyrkúıekke deıin - vaktsınanyń birinshi komponentin, 1 qazanǵa deıin - ekinshi, al 1 qarashaǵa deıin - úshinshi komponentin ektirýge tıis.

Ekpe saldyrýǵa mindetti azamattar tizimi:

- halyqpen tikeleı qoıan-qoltyq jumys isteıtin qyzmet kórsetýshi mekeme qyzmetkerleri (poshta, bank, lızıng kompanııalary, notarıýs, saqtandyrý kompanııalary, sulýlyq salondary, shashtaraz jáne basqalar)

- saýda nysandarynyń jumysshylary (azyq-túlik, turmystyq taýarlar, kıim dúkenderi, dárihana jáne basqa)

- sport mektepteri men sport qurylymdarynyń qyzmetkerleri

- mádenı oıyn-saýyq mekemeleri men demalys bazasynyń jumysshylary

- qonaq úı, hostel, jataqhana jáne kempıng qyzmetkerleri

- jolaýshy tasymalymen aınalysatyn memlekettik jáne memlekettik emes mekeme qyzmetkerleri

- bilim beretin memlekettik jáne memlekettik emes mekeme qyzmetkerleri

- áskerı qyzmetkerler

- kafe, meıramhana, shaıhana, toıhana sekildi qoǵamdyq tamaqtaný obektileriniń jumysshylary

- turǵyn úı-kommýnaldyq sharýashylyq salasynyń qyzmetkerleri

- baılanys jáne telekommýnıkatsııa salasynyń qyzmetkerleri

- memlekettik bılik jáne basqarý organdary qyzmetkerleri

- quqyq qorǵaý organdarynyń qyzmetkerleri.

Eske sala keteıik, 28 maýsymda Ózbekstanda karantın sharalary kúsheıtilgen bolatyn.