Ózbekstanda kópshilik sharalar men jıyndardy ótkizý tártibine ózgeris engizildi

TAShKENT. QazAqparat – Ózbekstanda Respýblıkalyq arnaıy komıssııanyń kezekti otyrysynda karantın talaptaryn qysqartý arqyly turǵyndardyń mazmundy demalysy úshin qolaıly jaǵdaı jasaý máselesi jan-jaqty talqylandy, dep habarlaıdy QazAqparat.

Ózbekstan Respýblıkasy Densaýlyq saqtaý mınıstrliginiń baspasóz qyzmetine silteme jasap.

Atap aıtqanda, tıisti organdardyń usynystaryn eskere otyryp, Respýblıkalyq arnaıy komıssııanyń sheshimimen 2021 jyldyń 20 qyrkúıeginen bastap Ózbekstanda mádenı jáne oıyn-saýyq (teatr, kıno, kontsert zaldary), kópshilik adam jınalatyn sharalar men jıyndardy ashyq alańdar men jabyq keshenderde ótkizýge ruqsat etildi.

Sondaı-aq úılený toılary men otbasylyq jıyndarǵa qoıylǵan shekteýler jeńildetildi. 20 qyrkúıekten bastap toıhanalarda otbasylyq saltanatty sharalar men toı-jıyndardy 100 adamnan kóp bolmaǵan kezde, sanıtarlyq-gıgıenalyq talaptardy qatań saqtaı otyryp ótkizýge ruqsat berildi.

Respýblıkalyq arnaıy komıssııanyń otyrysynda Ózbekstan musylmandary keńsesi men Din isteri boıynsha komıtettiń 2021 jyldyń 24 qyrkúıeginen bastap juma namazy men basqa da namazdardy meshitterdiń tek ashyq jerlerinde oqylýy boıynsha shekteýdi joıý týraly usynysy qaralyp, maquldandy.