Ózbekstanda kópir qırap, adamdar mert boldy

ASTANA. QazAqparat - Ózbekstanda el basshysy Islam Kárimovtyń ókimi boıynsha Horezm oblysynyń ákimshilik ortalyǵy bolyp tabylatyn Úrgenish qalasynda kópir jaqtaýynyń jartylaı qıraýy sebepterin anyqtaý úshin úkimettik komıssııa quryldy, dep habarlaıdy Bı-bı-sı.

Ózbekstandyq TJM-niń habarlaýynsha, qaıǵyly oqıǵa juma kúni keshke mádenıet jáne demalys saıabaǵyndaǵy kontsert kezinde oryn alǵan. Kópirge adamdar tym kóp jınalǵandyqtan, onyń torly jaqtaýlary birneshe jerlerinen synyp, biraz kórermender kólge qulap ketken. TJM ázirge opat bolǵandar sanyn týraly málimet bermeı otyr. Shamamen 20 adam, onyń ishinde negizinen balalar mert bolǵan degen naqtylanbaǵan derekter bar.