Ózbekstanda Konstıtýtsııa kúni toılandy

<p>Ózbekstan halqy eldiń negizgi zańy &ndash; Konstıtýtsııanyń qabyldanǵanyna 31 jyl tolýyn atap ótip jatyr. Ataýly merekege oraı prezıdent Shavkat Mırzıeev turǵyndardy quttyqtady. Bul týraly <a href="Kazinform" target="_blank" rel="noopener">Kazinform</a>&nbsp;agenttiginiń menshikti tilshisi <a href="ru/lists/view/6917" target="_blank" rel="noopener">president.uz</a>-ge silteme jasap habarlaıdy.&nbsp;</p>

Ózbekstan basshysy óz sózinde bıyl jańa redaktsııada qabyldanǵan negizgi zańnyń mańyzdylyǵyna toqtaldy. 

«Bıyl qoǵamdyq-saıası ómirde, eldiń damýynda úlken mańyzy bar bul mereke erekshe mánge ıe bolatyny sózsiz. Eń aldymen, bizdiń ulttyq tarıhymyzda alǵash ret Konstıtýtsııa osy jyldyń 30 sáýirinde ótken jalpyhalyqtyq referendýmda jańa redaktsııada qabyldandy. Halyqtyq negizgi zań bola otyryp, ol jańa Ózbekstandy qurý jolynda keń aýqymdy reformalardyń aıryqsha quqyqtyq kepiline aınalǵany belgili», - dedi Shavkat Mırzıeev. 

Ol Konstıtýtsııanyń jańa redaktsııasynda bes negizgi ereje berik bekitilgenin atap ótti. ıAǵnı, Ózbekstan egemendi, demokratııalyq, quqyqtyq, áleýmettik jáne zaıyrly memleket sanalady. Onyń mazmuny túbegeıli jetildirilip, jańa taraýlar men baptar engizildi.

Óz kezeginde Shavkat Mırzıeev sońǵy jyldary barlyq reformalar Konstıtýtsııa men zań ústemdigi qaǵıdatyna súıene otyryp júrgizilgenin baıandady. 

«Keıingi 6 jylda elimizde jalpy ishki ónim kólemi - 1,5 ese, kásipkerler sany 2 esege artyp, ónerkásip salasyndaǵy ósim 40%-dan asty. Bıyl áleýmettik salaǵa jumsalǵan qarajat 134 trln sýmdy qurap, 2016 jylmen salystyrǵanda 5,6 ese ulǵaıdy», - dedi Ózbekstan basshysy. 

Buǵan qosa, keıingi birneshe jylda Ózbekstan sybaılas jemqorlyqpen kúres jónindegi halyqaralyq ındekste - 32, baspasóz bostandyǵy ındeksinde – 28 jáne quqyq ústemdigi ındeksinde 13 pozıtsııaǵa joǵarylaǵany atap ótildi. 

«Biz negizgi zańda bekitilgen qaǵıdattardy is júzinde tolyq iske asyryp, olardy ómirimizdiń ajyramas bóligine aınaldyrýymyz kerek», - dedi Shavkat Mırzıeev.

Eske salaıyq, Ózbekstan Konstıtýtsııasy 1992 jyly qabyldanǵan. Sol ýaqyttan beri eldiń basty zańyna 15 ret túzetý engizildi. 2023 jyldyń 30 sáýirinde referendým arqyly jańa redaktsııada Konstıtýtsııa qabyldandy. Nátıjesinde ondaǵy baptardyń sany 128-den 155-ke deıin, normalar 275-ten 434-ke deıin kóbeıdi. Tıisinshe, Konstıtýtsııa mátininiń 65 paıyzy jańartyldy.