Ózbekstanda kontserttik baǵdarlamalarǵa ruqsat berildi

TAShKENT. ÓzA-QazAqparat - Ózbekstanda koronavırýsqa baılanysty engizilgen birneshe karantındik talaptar jeńildetildi. Atap aıtqanda, kontserttik baǵdarlamalar men kafe jáne meıramhanalardyń túngi qyzmet úshin ruqsat berildi, dep habarlaıdy QazAqparat ÓzA agenttigine silteme jasap.

Respýblıkalyq arnaıy komıssııanyń sheshimimen 2021 jyldyń 28 qańtarynan bastap sanıtarlyq-epıdemıologııalyq talaptardy qatań saqtaı otyryp, kontserttik is-sharalardy uıymdastyrýǵa ruqsat berildi.

- Kontserttik zaldardaǵy kórermen syıymdylyǵyn eskere otyryp, olardyń sanyn 50% -dan aspaıtyndaı jaǵdaıda uıymdastyrý;

- Qashyqtyqty saqtaı otyryp, kórermender otyratyn kontsert zaldaryn paıdalanýdy qamtamasyz etý jáne araqashyqtyqty saqtaý úshin qajetti oryndardy belgileý;

- Kontsert zaldaryna kelgen kórermender men qyzmet kórsetýshiler mindetti túrde maska taǵýy kerek.

Sonymen qatar, osy sheshimge baılanysty Respýblıkalyq arnaıy komıssııa 8: 00-den 23: 00-ge deıingi ýaqyt aralyǵynda qoǵamdyq tamaqtaný oryndary men oıyn-saýyqtyrý mekemeleriniń jumysyna shekteýdi alyp tastady.