Ózbekstanda kóleńkeli ekonomıkanyń JІÓ-degi úlesi 45 paıyzǵa deıin jetedi

<p>Ózbekstandaǵy kóleńkeli ekonomıkanyń kólemi jalpy ishki ónimniń 25-ten 45 paıyzyna deıingi aralyqta. Bul týraly Ózbekstan Olıı Májilisi Senatynyń otyrysynda Ekonomıka jáne qarjy mınıstri Djamshıd Kýchkarov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.</p>

Mınıstr depýtattarǵa Ózbekstandaǵy kóleńkeli ekonomıkanyń aýqymy jáne oǵan qarsy kúres boıynsha qabyldanyp jatqan sharalar jaıynda baıandady.

«Biz kóleńkeli ekonomıkamen qarqyndy kúresýimiz kerek. Túrli baǵalaýǵa saı, onyń úlesi JІÓ-niń 25-ten 45 paıyzyna deıingi aralyqta. Bul joǵary kórsetkish», - dedi Djamshıd Kýchkarov.

Onyń aıtýynsha, beıresmı ekonomıkanyń eń joǵary úlesi qurylys, saýda jáne qyzmet kórsetý salalarynda baıqalady.

Djamshıd Kýchkarov kóleńkeli ekonomıkanyń aýqymyn tómendetý úshin mınıstrlik Prezıdent Ákimshiligimen birlesip Prezıdent qaýlysynyń jobasyn ázirlegenin atap ótti. Ol qujat qazir sońǵy kelisý satysynda tur.

«Onda birneshe baǵyt boıynsha sharalar qamtylǵan. ıAǵnı, qolma-qol aqsha aınalymyn qysqartý, biraq muny tikeleı maǵynada qabyldamaý kerek. Bul keıbir taýarlar nemese qyzmetterdi tek bank kartalary arqyly tóleýge qatysty», - dedi mınıstr.