Ózbekstanda qoqys shyǵarý aqysyn tólemegenderge birqatar shekteý engizilmek

<p>Qoqys shyǵaratyn kompanııanyń aldynda bereshegi bar ózbekstandyqtarǵa endi elektr energııasy úshin tólem jasaýǵa jáne jyljymaıtyn múlik pen kólikke qatysty kelisimderdi rásimdeýge shekteý qoıylmaq. Mundaı talap 2024 jylǵy 4 qańtardaǵy &laquo;Qaldyqtarmen jumys isteýdi jetildirý jáne olardyń ekologııalyq jaǵdaıǵa teris áserin azaıtý sharalary týraly&raquo; Prezıdent jarlyǵymen bekitildi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.&nbsp;</p>

Qujatqa sáıkes, atalǵan ereje kezeń-kezeńimen kúshine enedi. ıAǵnı, jańa tártip 2024 jyldyń 1 maýsymynan bastap Tashkent qalasynda jáne oblys ortalyqtarynda qoldanylady. Onda qoqys shyǵaratyn kompanııanyń aldynda 6 aılyq bereshegi bar azamattarǵa joǵaryda atalǵan shekteýler qoıylady.

Al 1 qarashadan bastap respýblıkanyń búkil aýmaǵynda qaldyqtardy kádege jaratý qyzmetteri úshin 3 aı qaryz bolǵan turǵyndarǵa elektr energııasyna tólem jasaýǵa shekteý engiziledi.

2025 jyldyń 1 qańtarynan Ózbekstannyń barlyq aýmaǵynda qoqys shyǵarǵany úshin bereshek merzimi 1 aıdan asqandar jaryqsyz qalýy múmkin.

«Qarapaıym tilmen aıtqanda, qoqysty shyǵarǵany úshin tólemeıtin adam qarańǵyda otyrady», - dep túsindirdi Ózbekstan Energetıka mınıstrliginiń baspasóz hatshysy Hasan Toshhýjaev.

Sondaı-aq jarlyqta jazylǵandaı, 1 sáýirden bastap qoqysty shyǵarý aqysyn tólemegen ózbekstandyqtar jyljymaıtyn múlik pen avtokólikke qatysty mámilelerdi notarıaldy rásimdeı almaıdy. Atap aıtqanda, notarıýstar biryńǵaı elektrondyq júıe arqyly onlaın rejımde azamattyń qaryzy bar nemese joq ekenin tekseredi.