Ózbekstanda qylmystyq toptyń 22 múshesi ustaldy, ishinde MMA sportshysy bar

<p>Ózbekstannyń barlyq aýmaǵynda qylmystyq toptardy ustaýǵa baǵyttalǵan aýqymdy reıdter júrip jatyr. Ferǵana oblysynda uıymdasqan qylmystyq toptyń 22 múshesi ustaldy, onyń arasynda MMA sportshysy Hýmoıýn Týhtamýrodov bar. Budan bólek, uıymdasqan toptyń basshysy da ustaldy. <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://www.gazeta.uz/ru/2023/12/03/raid-against-criminals/" target="_blank" rel="noopener">Gazeta.uz</a> basylymyna silteme jasap habarlaıdy.&nbsp;</p>

«Mańyzdy 40 kún» aktsııasy aıasynda Ózbekstannyń búkil aýmaǵynda krımınogendik jaǵdaıdy jaqsartý jáne qylmystyń jolyn kesý boıynsha aýqymdy jedel aldyn alý sharasy ótip jatyr. 

Іs-shara 21 qarashadan 31 jeltoqsanǵa deıin jalǵasady.

Ferǵana oblysynyń quqyq qorǵaý organdary 248 tulǵanyń turǵylyqty mekenjaıynda birlesken jedel izdestirý sharalaryn, qylmys jasaýǵa beıim tulǵalar tarapynan quqyq buzý faktilerin anyqtaý boıynsha 106 is-shara júrgizdi, bul 66 qylmysty ashýǵa múmkindik berdi.

Nátıjesinde 4,75 keli esirtki, 78 psıhotroptyq jáne kúshti áser etetin zattar, 41 qarý, oq-dári jáne sýyq qarý retinde paıdalanýǵa bolatyn zattar, sondaı-aq 45 kompıýter, telefon jáne dinı ádebıet tárkilendi.

Quqyq qorǵaý organdary qylmys jasap, sot pen tergeýden qashyp, izdeýde bolǵan 37 adamdy ustady.

«Arnaıy shara barysynda qylmystyq toptardyń quramynda bolyp, buzaqylyq jasaǵan 22 adam ustaldy. Olardyń arasynda aralas jekpe-jekpen aınalysatyn Hýmoıýn Týhtamýrodov (laqap aty «Borz») bar. 27 qarashada ol Qoqanda eki adamǵa dene jaraqatyn salyp, oqıǵa ornynan qashyp bara jatqanda ustaldy», - dep habarlady oblystyq ishki ister departamentinen.

Sondaı-aq Ferǵanada uıymdasqan qylmystyq toptyń basshysy A.Mamırov qylmys jasaǵan jerinen ustalyp, tergeý organdaryna tapsyryldy.