Ózbekstanda qylmys sany 2,3 esege ósti

<p>TAShKENT. KAZINFORM &ndash; Ózbekstanda sońǵy 5 jylda tirkelgen qylmystar sany 2,3 esege ósti, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi.</p>

Ózbekstan Statıstıka agenttiginiń málimetinshe, byltyr qańtar-jeltoqsan aralyǵynda elde 104 096 qylmys faktisi tirkelgen.

«Sońǵy bes jylda (2019-2023 jj.) respýblıka boıynsha tirkelgen qylmystar sanynyń 2,3 esege óskeni baıqaldy. Máselen, 2019 jyldyń qańtar-jeltoqsan aılarynda 46 089 qylmys tirkelse, 2023 jyly osy kezeńinde bul kórsetkish 104 096-ǵa deıin kóbeıdi», - dep málim etti vedomstvodan.

Agenttik dereginshe, 2021 jyly qylmys deńgeıi 1,8 esege kúrt ósken. Degenmen keıingi 2 jylda birtindep tómendeý baıqaldy. Atap aıtqanda, byltyr qylmystar sany 1,1%-ǵa azaıdy.

Ótken jyly 10 myń turǵynǵa shaqqandaǵy qylmystyń eń joǵary deńgeıi Tashkent qalasynda – 71,5, Tashkent oblysynda – 40,7, Syrdarııa oblysynda – 37,1 jáne Ferǵana oblysynda (32,1 fakti) anyqtaldy. Al eń az kórsetkish Horezm oblysynda tirkeldi. Onda 10 myń turǵynǵa shaqqanda jasalǵan qylmystar sany 15,1 faktini qurady.

«Qylmystardyń 43,8%-y ekonomıka, 24%-y qoǵamdyq qaýipsizdikke qarsy qylmystar, 16,4%-y bılik, basqarý organdarynyń jáne qoǵamdyq birlestikterdiń jumys isteý tártibindegi quqyq buzýshylyqtar, sondaı-aq 15,2%-y jeke tulǵaǵa qarsy qylmystar», - delingen agenttik málimetinde.

Qosa ketsek, byltyr Ózbekstan ekonomıkasyna sybaılas jemqorlyqtan 120 mln dollardan astam shyǵyn keldi.