Ózbekstanda Qazaqstannyń mádenıet kúnderi ótip jatyr
«Týrkıston» óner saraıynyń sahnasynda Qazaqstannyń eńbek sińirgen qaıratkerleri Saltanat Ahmetova, Alısher Karımov, «Daryn» memlekettik jastar syılyǵynyń laýreaty Rýhııa Baıdúkenova, respýblıkalyq jáne halyqaralyq konkýrstardyń laýreattary Dinıslambek Jaılaýbaı, Saltanat Meńdiǵalıeva, Dıdar Ábdihalyq, Gulder ansambli men Turan etno-folklorlyq ansambliniń ártisteri óner kórsetti.
21 maýsymda Tashkentte Turan etno-folklorlyq ansambli Ózbekstan Ulttyq sımfonııalyq orkestriniń bas dırıjeri Álibek Qabdýrahmanovtyń basshylyǵymen Ózbekstan sımfonııalyq orkestrimen birlesip óner kórsetedi. Sımfonııalyq orkestr men ejelgi qazaq mýzykalyq aspaptaryn biriktirgen Turan ansambliniń Folk & Symphony biregeı avtorlyq jobasy alǵash ret Tashkent kórermenderine usynylady.
15 jyl ishinde Turan etno-folklorlyq ansambli AQSh, Germanııa, Frantsııa jáne basqa elderdiń iri zaldarynda birneshe ret óner kórsetti. Ár jyldary ansambl óner súıer qaýymdy Carnegie Hall, Kennedy Center, Zellerbach Hall sııaqty iri sheteldik sahna oryndarda mýzyka áýesqoılaryn shyǵarmashylyǵymen qýantty. Shyǵarmashylyq ujymnyń quramyna 30-dan astam halyq aspaptaryn meńgergen talantty mýzykant-mýltıınstrýmentalıster: Maqsat Medeýbek, Serik Nurmoldaev, Baýyrjan Bekmuhanbetov, Erjigit Álıev, Jantý Dadaev kiredi.
«Qazaqkontserttiń» shyǵarmashylyq ujymy men solısteri 22 maýsymda Samarqand qalalyq «Nurafshon» mádenıet saraıynda, 23 maýsymda - Buhara qalasynyń Jastar ortalyǵynyń kontsert zalynda kontsert qoıady.
Qazaqstan mádenıet festıvali 23 maýsymda «Abaı» operasymen aıaqtalady, ony Ózbekstan Memlekettik akademııalyq úlken teatrynyń sahnasynda Abaı atyndaǵy Qazaq ulttyq opera jáne balet teatry kórermenderge usynady.
Buǵan deıin habarlanǵandaı, Ózbekstan astanasynda Qazaqstan kıno kúnderi bastaldy.