Ózbekstanda qazaqstandyq kapıtalmen myńnan astam kásiporyn jumys isteıdi

<p>TAShKENT. KAZINFORM &ndash; Keıingi 5 jylda Ózbekstanda sheteldik kapıtalmen jumys isteıtin kásiporyndardyń sany 1,3 ese ósti, dep habarlaıdy Kazinform agenttiginiń menshikti tilshisi.</p>

Ózbekstan Statıstıka agenttiginiń málimetinshe, sheteldik kompanııalar sany boıynsha Qytaı kósh bastap tur. Atalǵan eldiń qatysýymen 3 357 kásiporyn respýblıkanyń ár óńirinde túrli jobalardy iske asyryp jatyr.

- Ózbekstan ekonomıkasyna ınvestıtsııa baǵyttap jatqan elder arasynda Reseı (2 937), Túrkııa (1 826), Qazaqstan (1 041) jáne Ońtústik Koreıanyń (644) úlesi basym, - dep málim etti vedomstvodan.

Eske salaıyq, byltyr 11 aıdyń qorytyndysy boıynsha Qazaqstan Ózbekstannyń negizgi saýda seriktesteriniń úshtiginde qaldy. Resmı Astana men Tashkent arasyndaǵy taýar aınalymy $3,8 mlrd asty.

Buǵan deıin habarlaǵanymyzdaı, Qazaqstan men Ózbekstan arasyndaǵy óńiraralyq baılanys nyǵaıyp keledi.

Sonymen qatar, resmı Astana men Tashkentti baılanystyratyn jańa temirjol jelisi salynyp jatyr