Ózbekstanda qazaq ulttyq ortalyǵynyń 30 jyldyǵy atap ótildi
Іs-shara Ózbekstan Respýblıkasy Táýelsizdik alǵannan qazirgi kúnge deıin kóptegen ulttardyń bir aspan astynda beıbit ómir súrýge jaǵdaı jasap, ultaralyq qatynastardy nyǵaıtýda 30 jyl ishinde atqarylǵan jumystarmen tanystyrý maqsatynda uıymdastyryldy.
Mereıtoıǵa Ózbekstan Respýblıkasy Mınıstrler kabıneti quzyryndaǵy Ultaralyq qatynastar jáne shet memlekettermen dostyq baılanystary komıtetiniń tóraǵasy Rýstambek Kýrbanov, QR Ózbekstandaǵy tótenshe jáne ókiletti Elshisi Darhan Satybaldy, Ózbekstandaǵy Respýblıkalyq Qazaq mádenı ortylyǵynyń basshysy Serik Úsenov, «Otandastar qory» Qory Prezıdenti Abzal Saparbekuly men Ózbekstan aýdandaryndaǵy Qazaq mádenı ortalyq basshylary qatysty.
Mańyzdy shara qazaqtyń Tóle bıi jatqan jerine zııarat etip, quran baǵyshtaýdan bastaý aldy.
Myrza Ulyqbek atyndaǵy Ózbekstan Ulttyq ýnıversıtetinde ortalyqtyń 30 jyldyǵyna arnalǵan: «Ózbekstan qazaqtary: ekonomıka, ǵylym jáne mádenıet» atty ǵylymı praktıkalyq konferentsııasy uıymdastyryldy. Konferentsııada «Ortalyqtyń 30 jylda atqarǵan ıgi sharalary», «Qazaqstan men Ózbekstan arasyndaǵy yńtymaqtastyqtyń keleshegi», «Qazaqstan halyqtary Assambleıasynyń ultaralyq qatynastardy damytýdaǵy róli» men «Shet memlekettermen dostyq baılanystarda qandastardyń orny» atty taqyryptar qozǵaldy. Sonymen qatar, Mekembaı Omarulynyń «Tashkent qazaqtary tarıhy jáne mádenı ómiri» atty kitap tusaýkeseri ótti.
Birqatar mańyzdy kezdesýler ótti. Atap aıtsaq, Otandastar qory delegatsııasy Ózbekstan Respýblıkasy Mınıstrler Kabıneti quzyryndaǵy Ultaralyq qatynastar jáne shet memlekettermen dostyq baılanystar komıteti jáne Ózbekstan «VATANDOSHLAR jamoat fondi» basshylyǵymen kezdesip, birlesken jobalar men tájirıbe almasý talqylandy.
Qazaq mádenı ortalyǵynyń 30 jyldyǵyna arnalǵan is-sharada Qoja Ahmet ıAsaýı atyndaǵy Halyqaralyq qazaq-túrik ýnıversıteti, Qorqyt ata atyndaǵy Qyzylorda ýnıversıteti, Áýezov atyndaǵy Ońtústik Qazaqstan ýnıversıteti, Ońtústik Qazaqstan memlekettik pedagogıkalyq ýnıversıteti men M.H.Dýlatı atyndaǵy Taraz óńirlik ýnıversıtetteriniń qatysýymen «Bilim» kórmesi uıymdastyryldy.
Mereıtoı Tashkent qalasynyń «Túrkiston» kontserttik saraıynda qazaq ulty ókilderiniń kórnekti sýretshileri, qolóner buıymdary jáne jazýshylar kitaptarynyń kórmesi ótti. Eki kúndik baǵdarlama qazaqstandyq ánshilerdiń qatysýymen ótken gala-kontsertpen aıaqtaldy. Gala kontsertke elimizdiń tanymal halyq ártisi Maıra Muhametjanqyzy, J.Shanın teatrynyń ártisteri, estrada ánshileri men Qazyna bı toby, Orkestr ártisteri jáne Opera balet teatrynyń balet toby shaqyrylyp, óz ónerlerin kórsetti.
Kontserttik shara «Otandastar qory», Shymkent qalasynyń ákimshiliginiń qoldaýymen uıymdastyryldy.
Búginde Ózbekstan Respýblıkasynda 7 qazaq mádenı ortalyq bar: Tashkent, Naýaı, Horezm, Buhara, Núkis, Syrdarııa. Ár mádenı ortalyq ózi ornalasqan mekenniń atymen atalǵan. Sonymen qatar 360 qazaq mektebi, 20-dan asa joǵarǵy dárejeli ǵalymdar qyzmet etedi. 3 Májilis, 2 Senat jáne 500-den asa jergilikti keńes depýtattary bar.
Ózbekstanda búginde 6 buqaralyq aqparat quraly qazaq tilinde habar taratady.