Ózbekstanda gaz quıý stantsııalarynyń jartysynan astamy jumysyn toqtatty

<p>13 jeltoqsannan bastap Ózbekstannyń 5 oblysy men Tashkent qalasyndaǵy gaz quıý stantsııalarynyń jartysynan astamy qyzmet kórsetýdi toqtatty, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.</p>

«Hýdýdgaztamınot» kompanııasynan málimdegendeı, aýa-raıynyń kúrt salqyndaýyna baılanysty búkil el boıynsha tabıǵı jáne suıytylǵan gazdy tutyný kólemi ósken.

«Gaz tutynýshylarǵa irkilissiz kógildir otyndy jetkizý maqsatynda Tashkent qalasynda, Samarqand, Andıjan, Namanǵan, Ferǵana jáne Tashkent oblystarynda gaz quıý beketteriniń qyzmetine qosymsha shekteý engizildi. Qazirgi ýaqytta 1 179 janarmaı quıý beketiniń 547-si buryn belgilengen kestege saı jumys istep tur», - delingen kompanııa taratqan habarlamada.

Buǵan deıin habarlaǵanymyzdaı, qysymynyń tómendeýine baılanysty 12 jeltoqsannan bastap Ózbekstandaǵy gaz quıý beketteri kúnine 6 saǵattyq jumys kestesine kóshken edi. ıAǵnı, stantsııalar 6:00-den 12:00-ge deıin qyzmet kórsetedi.

Eske salaıyq, gaz quıý beketteriniń jumys ýaqyty buǵan deıin de shektelgen. Atap aıtqanda, stantsııalar 9 jeltoqsannan bastap 6:00-den 15:00-ge deıin qyzmet kórsetip keldi.