Ózbekstanda er adam kólbar jylandy jep qoıdy

<p>TAShKENT. KAZINFORM - Jyzaqta er adamnyń tiri kólbar (Vipera Lebetina) jylandy jep jatqan&nbsp;<a href="https://t.me/videobormi/3411" target="_blank" rel="noopener">vıdeosy</a> áleýmettik jelide tarap ketti. Bul jaǵdaıǵa qatysty Jyzaq oblystyq Ekologııa basqarmasy resmı jaýap berdi, dep habarlaıdy Kazinform Jyzaq oblystyq&nbsp;<a href="https://t.me/msmdjizzakhekology/21353" target="_blank" rel="noopener">Ekologııa basqarmasyna</a> silteme jasap.&nbsp;</p>

Er adamǵa Ózbekstan Respýblıkasy Ákimshilik jýapkershilik týraly kodeksiniń tıisti baby boıynsha bazalyq eseptik kórsetkishtiń 20 eselengen mólsherinde aıyppul salynyp, tabıǵatqa 1 mıllıon sýmnan astam zalal keltirgeni anyqtaldy.

Bul oqıǵaǵa qatysty tergeý jumystary Jyzaq oblystyq Ekologııa basqarmasynyń Zamın aýdandyq bólimi jáne ishki ister bólimimen birlesip júrgizilgen. Tergeý barysynda bul jaıt azamat Q.H. tarapynan jasalǵany anyqtaldy.

Osy áreketimen azamat Ózbekstan Respýblıkasynyń «Janýarlar dúnıesin qorǵaý jáne paıdalaný týraly» Zańynyń 4, 30, 51, 53-baptarynyń talaptaryn buzǵan dep tanyldy.

Memlekettik ınspektorlar azamatqa ÓR Ákimshilik jaýapkershilik týraly kodeksiniń 90-babynyń 1-bóligi boıynsha bazalyq eseptik kórsetkishtiń 20 eselengen mólsherinde (7,5 mıllıon sým – shamamen 580 AQSh dollary) aıyppul saldy.

Tabıǵatqa keltirilgen shyǵyn da 1 125 000 sýmǵa (shamamen 83 dollar) baǵalandy. 

Esterińizge sala keteıik, buǵan deıin Ózbekstanda pıtondy úıinde ustaǵan azamat ustalǵany jaıly jazǵan edik.