Ózbekstanda elge keletinder úshin birqatar karantındik shekteýler alyndy

TAShKENT. QazAqparat - Ózbekstanda koronavırýspen kúres jónindegi respýblıkalyq komıssııanyń sheshimimen Eýropa men Ońtústik Afrıkanyń birqatar elderinen keletin adamdarǵa keıbir karantındik shekteýler alyndy, dep habarlaıdy QazAqparat.

Ózbekstan Respýblıkasy Densaýlyq saqtaý mınıstrliginiń málimetinshe, elge 11 el: Avstralııa, Avstrııa, Belgııa, Ulybrıtanııa, Germanııa, Danııa, Izraıl, Italııa, Nıderlandy, Chehııa jáne Mysyrdan keletin reısterdiń jolaýshylary úshin úı jaǵdaıynda nemese qonaqúıde 10 kúndik mindetti karantın alyndy.

Sonymen qatar, kelesi elderge halyqaralyq tranzıt pen tikeleı reısterge tyıym salyndy: Ońtústik Afrıka, Botsvana, Namıbııa, Zımbabve, Mozambık, Madagaskar, Lesoto, Esvatını, Tanzanııa jáne Gonkong.

Endi osy memleketterge sońǵy 14 kúnde barǵan úshinshi eldiń azamattaryna Ózbekstanǵa ushýǵa ruqsat etildi.

Elde barlyq saıahatshylarǵa qańtar aıynyń basynda engizilgen COVID-19 teris PTR synamasyn tapsyrý talaby saqtalady.

Eske salaıyq, Ózbekstanda eresek turǵyndardyń 68 paıyzy COVID-19 vırýsyna qarsy vaktsınatsııanyń tolyq kýrsyn aıaqtady.