Ózbekstanda elektromobılder ımporty 6 ese ósti

<p>Bıylǵy on aıda Ózbekstan 22,5 myńǵa jýyq elektromobıldi ımporttaǵan. Bul ótken jyldyń sáıkes kezeńimen salystyrǵanda 6 ese kóp, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Ózbekstan Keden komıtetiniń baspasóz qyzmetinen málimdegendeı, bıyl qańtar-qazan aılarynda Ózbekstan 582,3 mln dollarǵa 22,49 myń elektromobıl ımporttady. Ótken jyldyń sáıkes kezeńimen salystyrǵanda 3 679 kólikke artyq. Tek sońǵy úsh aıda atalǵan elge 365,3 mln dollarǵa baǵalanǵan 15,1 myń elektromobıl ákelingen.

Vedomstvo aqparatyna saı, elektr kólikteriniń negizgi jetkizýshisi – Qytaı. Oǵan ımporttyń 91,7% úlesi tıesili bolsa, ekinshi orynda Gonkong (5,6%) tur. Sondaı-aq BAÁ, Ońtústik Koreıa, AQSh jáne Germanııadan da birshama kólik ımporttalǵan.