Ózbekstanda elektromobılderge arnaıy nómirler berilmek

TAShKENT. ÓzA – QazAqparat - 2021 jyl 1 qazan aıynan bastap Ózbekstanda elektromobılderge arnaıy memlekettik nómirler beriledi. Bul týraly QazAqparat ÓzA silteme jasap habarlaıdy.

«Ózbekstan Respýblıkasynda elektr qýatymen júretin avtokólik quraldaryn paıdalanýdy damytýǵa jáne jol qozǵalysy qaýipsizdigi salasyndaǵy protsedýralardy jeńildetý sharalary týraly» qaýly qabyldandy.

Qaýlyǵa saı, elektr qozǵaltqyshynyń qýaty 4 kılovatt bolatyn saǵatyna 40 shaqyrym jáne odan da jyldam júretin kólik quraldaryna arnaıy memlekettik nómirler beriledi.

Elektr qýatymen júretin avtokólikterge beriletin nómirdiń basty aıyrmashylyǵy - aımaq kody jasyl fonda kórsetiledi. Osy syndy nómirlerdi alý 1 qarashaǵa deıin tegin qol jetimdi.