Ózbekstanda Cobalt kóliginiń gaz ballony jarylyp, 3 jasar bala kóz jumdy

<p>Ózbekstannyń Naýaı oblysynyń Qyzyltóbe aýdanynda Cobalt kóligine ornatylǵan gaz ballony jarylǵan. Saldarynan júrgizýshi jaraqat alyp, onyń 3 jasar balasy aýrýhanada kóz jumdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> oblystyq ІІB baspasóz qyzmetine silteme jasap.</p>

24 jeltoqsan kúni saǵat 09:50 shamasynda Cobalt kóligi aýdandaǵy dámhanalardyń biriniń turaǵynda bolǵan. Sol kezde kólikte ornatylǵan metan gazy ballonynyń jarylýy saldarynan júrgizýshi men onyń 3 jasar balasy túrli dene jaraqattaryn alyp, aýdandyq aýrýhanaǵa jatqyzylǵan.

Júrgizýshiniń balasy aýrýhananyń jansaqtaý bóliminde kóz jumdy.

Qazirgi ýaqytta ІІB jaǵdaıǵa baılanysty tergeý júrgizip jatyr, delingen habarlamada.