Ózbekstanda bıdaı baǵasy eki esege ósedi

TAShKENT. QazAqparat - Ózbekstanda 1 maýsymnan bastap memleket astyqty naryqtyq baǵamen satyp ala bastaıdy. Bul týraly astyq salasyn reformalaý jónindegi keńeste Ózbekstan prezıdenti Shavkat Mırzıeev aıtty, dep habarlaıdy QazAqparat tilshisi.

Ózbekstan basshysy álemdik naryqta azyq-túlik baǵasynyń kúrt ósýi aıasynda halyqaralyq bırjalarda bıdaıdyń bir tonnasynyń baǵasy 400 dollardan satylyp jatqanyn, bul jyl basyndaǵy kórsetkishten 30 paıyzǵa joǵary ekenin atap ótti.

Ol astyq óndirýshilerge de, óńdeýshilerge de paıda ákelmeıtin memlekettik astyq kásiporyndarynyń eski jumys júıesin synǵa aldy.
«1 maýsymnan bastap barlyq qajetti uıymdastyrý jumystary aıaqtalǵannan keıin memleket astyqty satyp alý jáne ótkizý kezinde naryqtyq baǵaǵa kóshý júrgiziledi. Memleket sharýalar men klasterlerdiń astyqty bırjaǵa shyǵarýy úshin barlyq jaǵdaıdy jasaıdy. Memleket qajeti úshin satyp alynǵan 1 tonna bıdaıdyń baǵasy byltyrǵy 1,55 mıllıonnan bıylǵy ónim úshin 3 mıllıon sýmǵa kóteriledi», - dedi Shavkat Mırzıeev.