Ózbekstanda Bazar jyraýǵa eskertkish ornatyldy

NAÝAI. QazAqparat - Ózbekstannyń Naýaı oblysynda qazaqtyń belgili aqyny Bazar jyraý Ońdasulyna eskertkish ornatyldy. Bul týraly Úshqudyq aýdany ákimdiginiń baspasóz qyzmeti Telegram kanalynda málim etti, dep habarlaıdy QazAqparat.

Balqy Bazar jyraý bıýsiniń ashylý saltanaty 3 qazan kúni ótti. Sharaǵa aýdan ákimi S.Hamroev, Úshqudyq aýdany Qazaq mádenı ortalyǵynyń qyzmetkerleri, aǵa býyn jáne BAQ ókilderi qatysty.

Bıýst ornatar aldynda Jalpaqtaýdaǵy Bazar Jyraýdyń beıiti abattandyrylǵan.

Bazar Jyraý Ońdasuly 1842 jyly Qazaqstan Respýblıkasy Qyzylorda oblysynyń Qarmaqshy aýdanynda dúnıege kelgen. El arasynda Balqy Bazar dep tanylǵan. Ómiriniń sońǵy jyldaryn Jalpaqtaý jaılaýynda, Aqbóget topyraǵynda ótkizdi. 1911 jyly dúnıe salyp, Jalpaqtaýǵa súıegi qoıylǵan.

Bazar Jyraýdy Syr boıynyń aqyn-jyraýlary, termeshileri ózderine ustaz sanaǵan. Onyń týyndylary «Terme», «Úsh ǵasyr jyrlaıdy» jınaqtaryna engen.