Ózbekstanda balalarǵa «qorǵaý orderi» beriledi

<p>TASHKENT. Kazinform &ndash; Endi balalardy túrli zorlyq-zombylyqtan qorǵaý maqsatynda olarǵa &laquo;qorǵaý orderi&raquo; beriledi. Bul týraly memlekettegi parlamenttiń tómengi palatasy málimdegen.</p>

UzA tarqatqan habarǵa súıensek, bul tájirıbe Olıı Majlıstiń zań shyǵarý palatasyna Mınıstrler kabıneti usynǵan «Balalardy zorlyq-zombylyqtyń barlyq túrlerinen qorǵaý týraly» zań jobasynda kórsetildi. Ol balalardy zorlyq-zombylyqtan qorǵaý salasyndaǵy memlekettik saıasattyń negizgi baǵyttaryn, balalardy zorlyq-zombylyqtan qorǵaýǵa jaýapty memlekettik organdar men uıymdardy, sondaı-aq olardyń ókilettikterin aıqyndaıdy.

Sonymen qatar, jobada balalardy zorlyq-zombylyqtan qorǵaýda ata-analardyń (nemese olardy almastyratyn tulǵalardyń) orny, olardyń mindetteri, bilim berý uıymdarynda balalarǵa qatysty zorlyq-zombylyqtyń aldyn alý týraly aıtylǵan.

Bul jobany ázirleýde Germanııa, Frantsııa, Danııa, Sıngapýr, Vengrııa, Bolgarııa, Albanııa, Grýzııa syndy elderdiń tájirıbesi zerttelgeni habarlandy.

Zań jobasy qazir Zań shyǵarý palatasynyń Demokratııalyq ınstıtýttar, úkimettik emes uıymdar jáne azamattardyń ózin-ózi basqarý organdary komıtetiniń qaraýynda.