Ózbekstanda balalardy teýip, taıaqpen urǵan balabaqsha qyzmetkeri jumystan qýyldy

<p>Horezm oblysy Úrgenish aýdanyndaǵy balabaqshada tárbıeshilerdiń jattyǵý kezinde balalardy tepkilep, taıaqpen urǵany beınelengen vıdeo tarady. Oqıǵadan keıin 2 qyzmetker jumystan shyǵaryldy. Bul jaǵdaıdy Balalar ombýdsmeni <a href="https://t.me/Bolalar_ombudsmani/156" target="_blank" rel="noopener">baqylaýǵa aldy</a>, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Áleýmettik jelide Horezm oblysyndaǵy balabaqshalardyń birinde oqý-jattyǵý kezinde mekeme qyzmetkerleriniń tárbıelenýshilerge dórekilik kórsetip jatqany týraly vıdeo tarady.

Onda tárbıeshilerdiń biri balalardy qoly men qulaǵynan tartyp súırep, ekinshisi tepkilep jatqanyn kórýge bolady. Vıdeoda balalardy taıaqpen túrtkilep uryp jatqany da anyq kórinedi.

Oblystyq mektepke deıingi bilim berý basqarmasynyń málimetinshe, oqıǵa Úrgenish aýdanyndaǵy №23 balabaqshada bolǵan. Jiberilgen qateler, dóreki qylyq pen kemshilikter úshin tárbıeshiler men uıym arasynda jasalǵan eńbek sharty buzyldy.

Qazirgi ýaqytta bul fakti boıynsha Úrgenish aýdandyq ishki ister basqarmasynyń qyzmetkerleri tergeý amaldaryn júrgizip jatyr.