Ózbekstanda balalardy dinı tárbıe alýǵa zańsyz tartqandarǵa aıyppul salynady

<p>ASTANA. KAZINFORM &ndash; Ata-analarǵa balasyn tirkelmegen dinı uıymdarǵa nemese tıisti bilimi joq adamdarǵa oqýǵa jiberýge tyıym salatyn zań jobasy birinshi oqylymda qabyldandy, dep habarlaıdy<a href="https://uznews.uz/" target="_blank" rel="noopener"> UzNews.&nbsp;</a></p>

Olıı Majlıstiń zań shyǵarýshy palatasynyń otyrysynda «Keıbir zańnamalyq aktilerge balalardyń quqyǵyn odan ári nyǵaıtý maqsatynda ózgerister men tolyqtyrýlar engizý týraly» zań jobasy qabyldandy.

Zań jobasy Ákimshilik jaýapkershilik týraly kodekstiń 47-babyn ata-analardyń nemese olardy almastyratyn adamdardyń balany dinı bilim berý protsesine zańsyz tartýy úshin ákimshilik jaýapkershilikti belgileıtin qosymsha bóliktermen tolyqtyrýdy kózdeıdi. Osylaısha, balany dinı bilim berý úderisine zańsyz tartqan jaǵdaıda, negizgi eseptik somanyń (eń tómengi jalaqynyń ornyna paıdalanylǵan) 10-nan 15 eselengen mólsherinde aıyppul salynady.

Ákimshilik jaza qoldanylǵannan keıin bir jyl ishinde dál sol quqyq buzýshylyq qaıtalansa, 15-ten 25-ke deıingi mólsherde aıyppul salýǵa nemese 15 táýlikke deıin ákimshilik qamaqqa alýǵa ákep soǵady.

Sonymen qatar ata-analardyń nemese olardy almastyratyn adamdardyń zańdy buza otyryp balany dinı bilim berý úderisine tartýyna jol berilmeıdi. ıAǵnı, Ózbekstandaǵy dinı uıymdardyń ortalyq basqarý organynyń ruqsatynsyz balany tirkeýden ótpegen nemese lıtsenzııasy joq uıymdarǵa, arnaıy dinı bilimi joq jáne dinı bilim beretin tulǵalarǵa dinı bilim alýǵa berýge tyıym salynady.

«Bul zań jobasyn qabyldaý balalardyń bilim berý salasyndaǵy quqyǵyn qorǵaýǵa jáne olardyń dinı ekstremızm, separatızm jáne fanatızm ıdeıalarynyń qurbany bolýyna jol bermeýge qyzmet etedi», - dep atap ótti depýtattar.