Ózbekstanda aıt namazy jamaǵatpen birge oqylmaıtyn boldy

TAShKENT. ÓzA-QazAqparat - Ózbekstan aýmaǵynda bıylǵy Qurban aıt namazy epıdemıologııalyq jaǵdaıdyń nasharlaýyna baılanysty jamaǵatpen birge oqylmaıtyn boldy, dep habarlaıdy QazAqparat ÓzA agenttigine siltememen.

Ózbekstan musylmandary basqarmasynyń habarlaýynsha, Qurban aıt namazy kezinde úlken jamaǵat jınalatynyn eskere otyryp, pandemııanyń órshýine jáne dert saldaryn jeńildetý úshin osy kúni aıt namazy oqylmaıdy.

Onyń ornyna úıde Zýha namazyn oqý usynylǵan.

Sonymen qatar, COVID-19 jaǵdaıynyń kúrt nasharlaýyn aldyn alýǵa oraı juma namazyn jamaǵatpen birge oqý ýaqytsha shektelgen.

Barlyq karantın talaptaryn saqtaı otyryp, meshitterdiń ashyq sahnalarynda maska taǵyp jáne araqashyqtyqty saqtaý arqyly basqa ýaqyttaǵy namazdy oqýǵa ruqsat.

Degenmen meshitte qol alysýǵa, qushaqtasýǵa qatań tyıym salynǵan.