Ózbekstanda áıelin uryp, shashyn qyryp tastaǵan muǵalim sottaldy

<p>TAShKENT. KAZINFORM &ndash; Aıyptalýshy ózbekstandyq mektepte muǵalim bolyp jumys istegen jáne 2 áıelmen birge turyp kelgen, habarlaıdy Kazinform Ózbekstan Joǵarǵy soty baspasóz <a href="https://t.me/AzizAbidov/5596" target="_blank" rel="noopener">qyzmetine</a> silteme jasap.&nbsp;</p>

Málim bolǵandaı, Gúlistan qalasynyń turǵyny Q.B. jubaıy azamat N.E.-men (áıel) qyzǵanysh saldarynan janjaldasyp qalǵan. Nátıjesinde er adam áıelin uryp, dene jaraqatyn salǵan. Onyń shashyn da qyryp tastaǵan.

Er adamnyń mektepte dene shynyqtyrý pániniń muǵalimi bolyp jumys istegeni anyqtaldy. Ol eki áıelmen ortaq negizde turǵan. Jábirlenýshi onyń birinshi zańdy jubaıy boldy.

Jaǵdaıǵa qatysty sot isi Ózbekstannyń Gúlistan qalalyq sotynda qaraldy. Sot úkimimen er adam Ózbekstan Qylmystyq kodeksiniń 126 (kóp áıel alý) jáne 126-1 (otbasylyq (turmystyq) zorlyq-zombylyq) baptarynda kózdelgen qylmystardy jasaǵany úshin kináli dep tanylyp, 2 jyl 6 aıǵa bas bostandyǵynan aıyryldy.

Eske sala keteıik, Tashkentte jalǵan dollar satqandar ustalǵany jaıly jazǵan edik.