Ózbekstanda áskerı tikushaq apatqa ushyrady

<p>Ózbekstanda áskerı tikushaq oqý-jattyǵý ushýy kezinde apatqa ushyrady, dep habarlaıdy Kazinform agenttiginiń tilshisi.</p>

Ózbekstan Qorǵanys mınıstrliginiń habarlaýynsha, 17 qarasha kúni saǵat 20:15-te Ózbekstannyń Áýe qorǵanysy kúshteri men Áskerı-áýe kúshteri qolbasshylyǵyna tıesili Mı-8 tikushaǵy Samarqan oblysyndaǵy “Kattaqorǵan” polıgonynda oqý-jattyǵý ushýy kezinde qulady.

“Apat saldarynan tikushaq ekıpajy qaza tapty. Qazirgi kezde apattyń sebepterin anyqtaý úshin arnaıy komıssııa jumys istep jatyr. Qaza bolǵan áskerı qyzmetshilerdiń otbasy músheleri men týystaryna qaıǵylaryna ortaqtasyp, kóńil aıtamyz», - delingen vedomstvo habarlamasynda.