Ózbekstanda alǵashqy qazaqstandyq bank ashyldy

TAShKENT. QazAqparat -Ózbekstan astanasynda qazaqstandyq «Tenge Bank» bankiniń ashylý saltanaty ótti. Bul týraly QazAqparat SІM baspasóz qyzmetine silteme jasap habarlaıdy.

Banktiń ashylýy aǵymdaǵy jyldyń mamyr aıynda Ózbekstan Respýblıkasynyń Ortalyq Bankiniń «Qazaqstan Halyq banki» AQ enshiles uıymynyń «Tenge Bank» qarjy operatsııalardy júzege asyrýǵa lıtsenzııa berýi arqasynda júzege asyryldy. Bul Ózbekstan Respýblıkasynyń aýmaǵynda alǵashqy qazaqstandyq bank.

Іs-sharany asha otyryp, elimizdiń Ózbekstandaǵy Elshisi Darhan Satybaldy Qazaqstan bankiniń ashylý máselesin jedel pysyqtaǵany úshin Ózbekstan Úkimeti men Ortalyq bankiniń basshylyǵyna alǵysyn bildirdi. Jeke jáne zańdy tulǵalarǵa banktik qyzmet kórsetý úshin «Tenge Bank» barlyq jaǵdaıdy jasaıdy. Elshi qazaqstandyq jáne ózbek kásipkerleri arasynda eksporttyq-ımporttyq operatsııalar júrgizý múmkindigin keńeıtetin saýdany qarjylandyrý tetigin erekshe atap ótti.

Ashylý rásimi aıaqtalǵannan keıin is-sharaǵa qatysýshylar Bank ákimshilik korpýsyna baryp, usynylǵan bank ónimderimen, sondaı-aq banktiń orta merzimdi kezeńge arnalǵan aǵymdaǵy josparlary men damý perspektıvalarymen tanysty.