TAShKENT. KAZINFORM — Ózbekstan parlamentiniń tómengi palatasy Ákimshilik jaýapkershilik kodeksine túzetý engizý usynysyn maquldady, dep habarlaıdy Kazinform agenttiginiń menshikti tilshisi.
Ózgeriske saı, ınternette, onyń ishinde áleýmettik jelilerde beıádep sózderdi qoldanyp, azamattardyń ar-namysyn qorlaıtyn áreketke barǵandar endi ákimshilik jaýapqa tartylady. Atap aıtqanda, olarǵa aıyppul salý nemese 10 táýlikke qamaý sharasy qarastyrylǵan.
— Bul norma qoǵamdyq tártip pen azamattardyń tynyshtyǵyn qamtamasyz etýge baǵyttalǵan — delingen Zań shyǵarý palatasynyń baspasóz qyzmeti tartqan habarlamada.
Qosa ketsek, byltyr Ózbekstanda býkmekerlik keńselerdiń qyzmetin nasıhattaǵan 70-ge jýyq saıt buǵattaldy.
Sondaı-aq, ózbekstandyqtar alaıaqtar rásimdegen nesıelerdi tóleýden bosatylmaq.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.