Ózbekstanda áleýmettik jelilerge salynǵan tyıym alynyp tastaldy

TAShKENT. ÓzA - QazAqparat - Ózbekstanda Twitter, WeChat jáne Vkontakte áleýmettik jelilerine salynǵan tyıym alynyp tastaldy. Bul týraldy QazAqparat ÓzA silteme jasap habarlaıdy.

Ózbekstannyń Aqparat jáne buqaralyq kommýnıkatsııalar agenttiginiń habarlaýynsha, 1 tamyzdan bastap eldegi Twitter, WeChat jáne Vkontakte áleýmettik jelilerine salynǵan tyıym alynyp tastalyp, áleýmettik jelilerdi kedergisiz paıdalaný múmkindigi tolyǵymen qalpyna keltirildi.

Qazirgi ýaqytta TikTok platformasymen kelissózder jalǵasýda. Qysqa beıne taspalarǵa negizdelgen kóńilashar áleýmettik jelige qatysty kelissóz boıynsha nátıje qosymsha habarlanatyny aıtylǵan.

Ózbekstan agenttiginiń málimdemesinde «Bloktaý tek damýǵa zııan keltiredi», delingen.

Foto: uza.uz