Ózbekstanda Abaı Qunanbaıulynyń shyǵarmashylyǵyna arnalǵan kesh ótti
«Qazaqtyń uly aqyny jáne oıshyly Abaı Qunanbaevtyń shyǵarmashylyǵyn zerdeleý jáne ony nasıhattaý týraly» Ózbekstan Prezıdentiniń qaýlysyna sáıkes uıymdastyrylǵan sharaǵa aqyn-jazýshylar, ǵalymdar, ádebıet súıer qaýym men stýdent jastar qatysty.
«Ózbek pen qazaq halqy burynnan jaqyn kórshi bolyp, dostyq pen kelisimde ómir súrgen. Dostyq jáne ádebı baılanystardy nyǵaıtýǵa Abaıdyń qosqan úlesi zor. Onyń meıirimdilikke, adaldyqqa, dostyqqa, beıbitshilik men kelisimge úndeıtin shyǵarmalaryn elimizde úlken súıispenshilikpen oqıdy. Onyń halyq tilimen jazylǵan «Ánderi» - ádebıet qorynda laıyqty ornyn tapty», - dep jazady agenttik.
«Jahandaný zamanynda jastardyń Abaıdyń shyǵarmashylyǵyna qyzyǵýshylyq bildirýi óte qýantady. Qazaq aqynynyń kópqyrly shyǵarmashylyǵy jastardy Otanǵa degen mahabbatqa, ulttyq qundylyqtardy qurmetteýge úıretýde úlken ról atqara bermek», - deıdi Sýrhandarıa oblysynyń Adıb Sobır Termezı atyndaǵy aqparattyq-kitaphanalyq ortalyǵynyń jetekshisi M.Abdýshýkýrov.