Ózbekstanda 9 shildede merziminen buryn prezıdent saılaýy ótedi

TAShKENT. QazAqparat – Ózbekstanda 9 shildede merziminen buryn prezıdent saılaýy ótedi, dep habarlaıdy QazAqparat «UZA» agenttigine silteme jasap.

Ózbekstan Prezıdentiniń jarlyǵyna sáıkes Ózbekstan Respýblıkasy Prezıdentiniń kezekten tys saılaýy 2023 jyldyń 9 shildesine belgilendi.

«Ózbekstan Respýblıkasy Konstıtýtsııasynyń 110 jáne 128-baptaryna jáne Ózbekstan Respýblıkasy Saılaý kodeksiniń 66-babyna sáıkes:

1. Ózbekstan Respýblıkasy Prezıdentiniń saılaýy 2023 jyldyń 9 shildesine belgilengen merzimnen buryn taǵaıyndalsyn.

2. Osy Jarlyq Ózbekstan Respýblıkasy Ortalyq saılaý komıssııasyna jiberilsin», - delingen jarlyqta.