Ózbekstanda 7-synypta oqıtyn qyzdyń atastyrylǵany ras pa

<p>Buǵan deıin áleýmettik jelide 2009 jyly týǵan 7-synyp oqýshysynyń atastyrylǵany jaıly <a href="https://t.me/TYUZBEK/69628" target="_blank" rel="noopener">vıdeo</a>&nbsp; taraǵan bolatyn. Ózbekstan balalar ombýdsmeni jaǵdaıdy <a href="https://t.me/Bolalar_ombudsmani/161" target="_blank" rel="noopener">túsindirdi</a>, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Jaǵdaı Qashqadarııa oblysynyń Kókdala aýdanynda bolǵany, sheneýnikter oqıǵa ornynda bolyp, tekserý júrgizgeni aıtylady.

Anyqtalǵandaı, qyzdyń ata-anasy vıdeodaǵy jaǵdaıdy shyn máninde balasynyń týǵan kúnine oraı ótkizilgen saltanatty shara dep túsindirgen.

Sheneýnikter qyzdyń ata-anasyna ony kúshtep kúıeýge berý úshin qylmystyq jaýapkershilik bar ekenin eskertti.

Sondaı-aq, qyzdyń ata-anasy óz túsiniktemesinde beınejazbadaǵy jaǵdaıdyń neke qııý nemese quda túsý rásimi emestigin, qyzyn erte turmysqa shyǵarý oılary joqtyǵyn, bilim berip, dáriger bolýdy kózdeıtinin aıtqan.

Sonymen birge, Respýblıkanyń bul óńirinde qyzdardy erte uzatý dástúri ishinara saqtalǵanyn eskere otyryp, balalar ombýdsmeni bul jaǵdaıdy baqylaýdy jalǵastyrady.

«Balalar ombýdsmeni qyzdardy erte kúıeýge berý jaǵdaılaryna múldem tózbeıdi jáne sondaı pikirdegi ata-analarǵa neke jasy týraly zańnamany nemese neke qııý tártibin buzǵany úshin zańdy jaýapkershilik bar ekenin eskertedi» delingen habarlamada.