Ózbekstanda 3 jasar balany pyshaqtap óltirgen er adam 24 jylǵa qamaldy

<p>TAShKENT. KAZINFORM &ndash; Tashkentte ózimen birge turatyn áıeldiń 3 jasar balasyn pyshaqtap óltirgen er adam 24 jylǵa bas bostandyǵynan aıyryldy. Bul týraly <a href="https://www.gazeta.uz/uz/2024/11/29/murder/" target="_blank" rel="noopener">Gazeta.uz</a> habarlady.</p>

Ózbekstan Joǵarǵy sotynyń málimetine sáıkes, 2024 jyldyń 9 shildesinde 30 jastaǵy er adam zańdy nekesiz birge turǵan áıelmen janjaldasyp qalǵan. Saldarynan ol áıeldiń birinshi nekesinen týǵan 3 jasar ulyn birneshe ret pyshaqtaǵan. Osydan keıin er adam oqıǵa ornynan izin sýytqan. Balanyń aýrýhanaǵa jetkenshe jany úzilgen. 

29 qarashada Qylmystyq ister boıynsha Mırzo Ulyqbek aýdandyq sotynda S.M-ǵa (1993 jyly Ózbekstannyń Ferǵana oblysynda týǵan) qatysty qylmystyq is boıynsha ashyq sot otyrysy aıaqtalyp, úkim jarııalandy. 

Sottalýshy taǵaıyndalǵan jazanyń alǵashqy 4 jylyn túrmede, qalǵanyn qatań rejımdegi kolonııalarda ótkizedi. 

Aıta keteıik, buǵan deıin Ózbekstanda súıgen jigitin pyshaqtaǵan qyz sottalǵanyn jazǵan edik. 

Sonymen qatar bıyl 10 aıda Ózbekstan sottary turmystyq zorlyq-zombylyq qylmystaryn jasaǵan 15 826 adamdy jaýapqa tartqan.