Ózbekstanda 221 adam koronavırýs juqtyrǵan

TAShKENT. QazAqparat – Ózbekstanda koronavırýs juqtyrǵandar sany 221-ge jetti, dep habarlaıdy QazAqparat menshikti tilshisi.

Ózbekstannyń memlekettik bas sanıtar ınspektory Nýrmat Atabekovtyń málimetinshe, Tashkenttegi Vırýsologııa ǵylym-zertteý ınstıtýtynda 17 patsıentten pnevmonııa baıqalǵan. Bul rette tórt patsıenttiń jaǵdaıy aýyr, olardyń ekýiniki – turaqty aýyr. Búginde Ózbekstanda koronavırýs ınfektsııasynan tolyǵymen 25 adam emdelip shyqqan, ekeýi kóz jumdy.

Nýrmat Atabekovtyń aıtýynsha, kóptegen azamattar áli kúnge deıin jaǵdaıdyń aýyr ekenin túsinbeıdi, karantın erejelerin buzýda. Keı adamdar koronavırýstyń klınıkalyq belgileri anyqtalǵan kezde dárigerlerge júginbeı jatyr.

Sonymen qatar bas sanıtar ınspektor jaqynda ǵana aýyr halde aýrýhanaǵa jetkizilip, birden ókpeni jasandy jeldetý apparatyna qosylǵan naýqastyń jaǵdaıy týraly habarlady.