Ózbekstanda 2030 jyly elektr energııasyn tutyný kólemi eki ese artpaq

<p>ASTANA. KAZINFORM &ndash; Ózbekstan energetıka mınıstri Jýrabek Mırzamahmýdov Ortalyq Azııa elderi jáne Ázerbaıjan energetıka mınıstrleriniń kezdesýinde Tashkent kórshi elderden elektr qýatyn satyp alýǵa yntaly ekenin málim etti.&nbsp;</p>

«Ózbekstanda elektr qýatyn tutyný kólemi jyl saıyn orta eseppen 5-6% ósip keledi. 2019 jyldan beri elde elektr qýatyn tutyný kólemi 65 mlrd kVt/saǵattan 81 mlrd kVt-saǵatqa deıin ósti. Al 2030 jylǵa qaraı bul shama keminde eki ese artyp, 134 mlrd kVt/saǵatqa jetedi. Qazaqstanmen gaz, munaı, munaı ónimderi men elektr qýatyn jetkizý jáne tranzıtteý, jıilikterdi retteý máseleleri boıynsha tyǵyz jumys istep otyrmyz», - dedi ózbekstandyq mınıstr.

Foto: Agıbaı Aıapbergenov / Kazinform

Ózbekstan ókili Ortalyq Azııanyń ózge elderimen energetıka salasynda birlesip iske asyryp jatqan jobalarǵa toqtalyp, bul baǵyttaǵy yqpaldastyqty odan ári nyǵaıtýǵa múddeli ekenderin jetkizdi.

«Ol úshin energetıka salasyndaǵy reformalar týraly aqparat almasýǵa arnalǵan, turaqty jumys istep turatyn ortaq platforma qurýdy usynamyn. Bizge elektr qýaty men energetıkalyq resýrstar saýdasynyń ınfraqurylymyn jetildirip, tranzıttik áleýetterimiz arttyrý kerek. Maman daıarlaý salasyndaǵy áriptestikti jalǵastyrýdy usynamyn», - dedi Jýrabek Mırzamahmýdov.