Ózbekstanda 11 myń qurylys kompanııasynda tek 1 qyzmetker resmı tirkelgen

<p>TAShKENT. KAZINFORM &ndash; Ózbekstandaǵy jalpy sany 34,5 myń qurylys kompanııasynyń 10,9 myńy esep qujattarynda kásiporynda tek 1 qyzmetker jumys isteıdi dep kórsetken. Bul týraly kásipkerlerge arnalǵan semınar barysynda saýda-ónerkásip palatasynyń&nbsp;<a href="https://t.me/soliqnews/12509" target="_blank" rel="noopener">tóraǵasy</a>&nbsp;Davron Vahabov aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Davron Vahabovtyń málimdeýinshe, 4,1 myń kompanııa tek 2 qurylysshysy bar ekenin kórsetse, 5,5 myń kompanııa 4-10 maman resmı qyzmetpen qamtylǵanyn alǵa tartqan.

Al byltyr ózbekstandyq qurylys kompanııalary jalpy somasy 150 trln sýmǵa baǵalanǵan obektilerdi salǵan.

Onyń ishinde nysandardyń 70%-dan astamy — turǵyn úı men áleýmettik nysandar.

Palata tóraǵasy atap ótkendeı, búginde qurylys salasynda 417 myńnan astam adam jumyspen qamtylǵan.

Qosa ketsek, taıaýda Ózbekstan prezıdenti saladaǵy olqylyqtardyń saldarynan qurylysta 50 trln sým ($4 mlrd) kóleńkede qalyp otyrǵanyn málimdegen bolatyn.