Ózbekstan jalǵan emshilermen kúresti kúsheıtpek

<p>TAShKENT. KAZINFORM — Endi Ózbekstanda lıtsenzııasyz jáne medıtsınalyq bilimi joq emshilerge ákimshilik jaza qoldanyla bastaıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

ÓR Olıı Majlısı Senatynyń baspasóz qyzmetinen málim etkendeı, senatorlar komıtet otyrysynda «Ózbekstannyń keıbir zańnamalyq aktilerine tolyqtyrýlar men ózgerister engizý týraly» zań jobasyn talqylap, keıbir usynystardy bekitti.

Atap aıtqanda, endi medıtsınalyq bilimi men lıtsenzııasy joq emshiler azamattardy dıagnostıkadan ótkizse nemese emdese, onda olar ákimshilik jaýapqa tartylady.

Sonymen qatar, paıda tabý maqsatynda ǵylymı dáleldenbegen, tekserilmegen halyqtyq medıtsınanyń ádis-tásilderin nasıhattaǵany úshin de ákimshilik jaza qoldanylmaq.