Ózbekstan úsh jylǵa jaramdy IT vıza engizýdi josparlap otyr

TAShKENT. QazAqparat – Ózbekstan 1 sáýirden bastap ınvestorlar, IT kompanııa quryltaıshylary, aqparattyq tehnologııa salasyndaǵy mamandarǵa jáne olardyń otbasyna IT vıza berýdi josparlap otyr, dep habarlaıdy QazAqparat Ózbekstannyń IT-parkine silteme jasap.

IT vıza Jeke tulǵalarǵa úsh jylǵa deıin beriledi.

Atalǵan vızany alǵan azamattar úsh jyl boıy Ózbekstanǵa emin-erkin kirip-shyǵa alady, sonymen qatar Ózbekstan azamattaryna qarastyrylǵan bilim jáne medıtsına qyzmetterin alýǵa quqyly.

Odan bólek, úı satyp alǵan jaǵdaıda, olar Ózbekstanda turýǵa yqtııarhat alady.

Vıza IT-parktiń usynysymen berilip otyrady. Ony alý sharttary maqsatyna qaraı erekshelenedi.

IT-vızaǵa berilgen ótinish úsh jumys kúni ishinde qarastyrylady. Otbasy múshelerine qonaq vızasy beriledi.