Ózbekstan Ýgandamen dıplomatııalyq qarym-qatynas ornatty

<p>TAShKENT. KAZINFORM &ndash; Ózbekstan men Ýganda arasynda dıplomatııalyq qarym-qatynas ornady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

18 qańtarda Ýgandanyń astanasy Kampala qalasynda Ózbekstan Syrtqy ister mınıstriniń birinshi orynbasary Bahromjon Aloev pen Ýganda Syrtqy ister mınıstri Djedje Odongo dıplomatııalyq qarym-qatynas ornatý týraly birlesken kommıýnıkege qol qoıdy.

Ózbekstannyń Syrtqy ister mınıstrliginen málimdegendeı, kezdesý barysynda taraptar saıası, saýda-ekonomıkalyq, mádenı-gýmanıtarlyq jáne basqa da salalarda ózara tyǵyz yntymaqtastyq ornatýǵa daıyn ekendikterin bildirdi.

Osylaısha, Ýganda Ózbekstanmen dıplomatııalyq qarym-qatynas ornatqan 145-shi el boldy.

Eske sala keteıik, buǵan deıin Ózbekstan Trınıdad jáne Tobagomen osyndaı kelisimge kelip, birlesken kommıýnıkege qol qoıǵan edi.