Ózbekstan tájirıbesi: Latyn álipbıi arqyly sheteldegi qandastarmen baılanys nyǵaıdy

ShYMKENT. QazAqparat - Qazaqstan latyn árpine kóshý arqyly dúnıejúzindegi qazaqtarmen emin erkin aralasa alady. Bul ózbekstandyq Ziyouz.com aqparattyq portalynyń redaktory Davranbek Tojıalıevtyń pikiri, dep habarlaıdy QazAqparat HAA tilshisi.

«Qazaqtarǵa uqsas bizdiń qandastarymyz da shet elderde turady. Máselen, Túrkııada 500 myńdaı, Aýǵanstanda 3 mln-nan astam, Qytaıda jáne Amerıkada da ózbekter bar. Olar úshin de latyn álipbıi oqý ońaı bolyp, aradaǵy baılanys jaqsardy. Sondyqtan Qazaqstan Respýblıkasynda da latyn árpi arqyly qandastarmen baılanysty nyǵaıtýǵa, olardy Otanǵa tartýǵa yqpaly zor bolady»,-deıdi aqparattyq portalynyń redaktory.
 

Davranbek Tojıalıevtyń aıtýynsha, latyn álipbıi kóshý birneshe jylǵa sozylýy múmkin. Osyndaı daıyndyqtardyń arqasynda keıin qalypty deńgeıge túsip ketedi. Máselen, ózbek eli latyn árpine kóshýdi 1995 jyldan bastaǵan.

«Bastapqy kezde mektepterde latyn jazýyn úıretip, synyptarda qosymsha dáris retinde ótkizildi. Keıin 15 jyl daıyndyq jumystaryn júrgizip, 2005 jyly kóshti. Basynda bárimiz de qabyldaı almaǵan edik. Aldyńǵy kırıllıtsadaǵy kitaptar ne bolady dep ýaıymdadyq. Keıin ol qıyndyqtar da artta qaldy. Tehnologııa damyp, eski kitaptardyń basym kópshiligi latynǵa aýdaryldy. Qazir bári resmı túrde latyn álipbıine kóshirilgenimen kırıllıtsany da paıdalanady», - deıdi Davranbek Tojıalıev.