Ózbekstan Tájikstan jaǵyn óńirdi lastap otyr dep aıyptaýda
16:08, 07 Maýsym 2013
ASTANA. 7 maýsym. QazAqparat - Ózbekstannyń Sýrhandarııa oblysynyń Tájikstanmen shekaralas ornalasqan soltústik aýdandarynda ekologııalyq ahýaldyń nasharlaýyn negizge ala otyryp, Tashkent BUU Bas hatshysy Pan Gı Mýnnyń atyna hat jiberdi. Bul týraly VVS habarlady.
Atap aıtqanda, Tashken tarapynyń paıymynsha, tájikstandyq TALKO alıýmınıı kompanııasynyń shyǵaryndylary Ózbekstannyń ekologııalyq qaýipsizdigi úshin qater týdyrýda.
Al Tájikstan jaǵy bul shaǵym negizsiz ekenin alǵa tartýda. TALKO basshylyǵy kompanııa ekologııalyq tekserýlerdi turaqty túrde júrgizetinin jáne táýelsiz sarapshylardyń málimetteri Ózbekstannyń aqparatymen sáıkes kelmeıtindigin aıtýda.