Ózbekstan sottalǵandarǵa arnalǵan elektrondy bilezikterdi shyǵarmaq

<p>TAShKENT. KAZINFORM &ndash; Ózbekstan úkimeti úı qamaqtaǵy jáne bas bostandyǵy shektelgen azamattardy baqylaýǵa arnalǵan elektrondy bilezikter óndirisin jolǵa qoıýǵa nıetti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Ózbekstan krımınologııa ǵylymı-zertteý ınstıtýtynyń basshysy Bahtıer Berdıgalıevtiń aıtýynsha, qurylǵy men ony basqarý baǵdarlamasyn atalǵan ınstıtýttyń mamandary ázirlegen.

Blezikterdi qurastyrý úshin Germanııa, Koreıa, Túrkııa jáne Majarstannyń tájirıbesi zerdelengen.

Qazir elektrondy bilezikterdi patentteý jáne ony jappaı óndirý isin qolǵa alý josparlanyp otyr.

Aıta keteıik, Qazaqstanda probatsııalyq baqylaýdaǵy adamdardy qadaǵalaýǵa arnalǵan qurylǵylardy paıdalaný 2014 jyly usynylǵan. Degenmen ol 2020 jyly ǵana naqty iske asty. Búginde elektrondy blezik shyǵaratyn otandyq kompanııalar bar. ІІM Qylmystyq atqarý júıesi komıtetiniń aqparatyna saı, qazirgi tańda baqylaý qurylǵylary óndirýshilerden jalǵa alynady. Elektrondy bileziktiń naryqtaǵy baǵasy 150 myń teńge, al ony jalǵa alý quny aıyna 14 800 teńge shamasynda.