Ózbekstan sheteldik týrısterge tax free engizbek

NUR-SULTAN. QazAqparat – Ózbekstan bıligi eldiń barlyq týrıstik qalalarynda sheteldik qonaqtarǵa satyp alǵan zatynyń qosylǵan qun salyǵyn qaıtarý júıesin engizbek. Bul jaıynda Ózbekstan Respýblıkasy Prezıdentiniń baspasóz qyzmetinen málim etti, dep habarlaıdy QazAqparat tilshisi.

Taratylǵan aqparatqa qaraǵanda Ózbekstan Prezıdenti Shavkat Mırzıeev beıindi vedomstvolarǵa osyǵan qatysty naqty tapsyrma júktegen.

Ózbekstan Prezıdentiniń atap ótýinshe, Tashkentte, Samarqand pen Buqarada tax free júıesin engizý, sonymen qatar qalalarda Duty Free dúkenderin ashý arqyly jeke saýda-sattyq kólemin eki-úsh ese arttyrýǵa bolady.

«Tolyqtaı alǵanda, sheteldik qonaqtardyń satyp alǵan zattaryna qosylǵan qun salyǵyn qaıtarý júıesin barlyq týrıstik qalalarda engizý qajet. Osy úsh qalanyń mysalynda kórsetilgen múmkinshilikter barlyq oblys ortalyqtary men iri qalalar úshin ózekti», - dedi Shavkat Mırzıeev.

Aıta keteıik, Ózbekstanda sheteldikter bólegen qosylǵan qun salyǵynyń somasyn qaıtarý júzesin engizý týrly jospar sonaý 2019 jyly ókterilgen bolatyn. Ózbekstan Qarjy mınıstrligi ony 2020 jyldyń 1 shildesinen engizýdi kózdegen edi. Alaıda koronavırýs pandemııasyna baılanysty ony engizý merzimi keıinge shegerildi.