Ózbekstan shekaradaǵy karantın talaptaryn jeńildetti

TAShKENT. QazAqparat – Ózbekstan Respýblıkasyna keletin shetel azamattary vaktsınatsııa týraly jaramdy sertıfıkaty nemese pasporty bolǵan jaǵdaıda, PTR test nemese koronavırýs ınfektsııasyna qarsy antıgenge ekspress-test tapsyrýǵa mindettelmeıdi, dep habarlaıdy QazAqparat menshikti tilshisi Ózbekstan SІM-ge silteme jasap.

Sertıfıkaty nemese vaktsınatsııa pasporty joq kelýshilerden elge barardan keminde 72 saǵat buryn tapsyrylǵan PTR-test nátıjesin (elektrondyq QR-kody bar) nemese shekaralyq ótkizý beketinde antıgenge tapsyrylǵan testtiń teris nátıjesin usyný talap etiledi.

Bul rette 12 jasqa deıingi balalarǵa vaktsınatsııa týraly sertıfıkattyń nemese pasporttyń, PTR testtiń jáne antıgenge ekspress-testtiń nátıjesin alý qajet emes.

Buǵan deıin Ózbekstan 2022 jyldyń 15 qańtarynda omıkron koronavırýs ınfektsııasynyń jańa shtammynyń taralýyna qarsy karantın sharalary aıasynda shekarany kesip ótýge shekteýler engizgen bolatyn.

16 naýryzda Ózbekstan bıligi Qazaqstan men Tájikstan shekarasyndaǵy ótkizý beketterinde birqatar karantın shekteýlerin alyp tastady.